लिटल व्हँली स्कूल मध्ये आगळीवेगळी होळी साजरी

विद्यार्थ्यांनी वाईट सवयी केल्या होळीत दहन

कासोदा ता.एरंडोल ( सागर शेलार ) – कासोदा येथील लिटल व्हँली स्कूल मध्ये दि.९ मार्च रोजी विद्यार्थांनी एक आगळीवेगळी होळी साजरी केली.या होळीत विद्यार्थ्यांनी आपल्या अंगी असलेल्या वाईट सवयींना कागदावर लिहून होळीत दहन केले.व नवीन चांगल्या सवयी अंगीकरण्याची शपथ होळीला साक्षी ठेऊन घेतली.या आगळ्या वेगळ्या होळीने येथील विद्यार्थ्यांचे परिसरातून कौतुक केले जात आहे.तसेच पाण्याचे प्रश्न डोळ्यासमोर ठेऊन शिक्षकांनी मुलांना पाण्याचे महत्व सांगुन धूलिवंदन खेळायचे नाही.कारण रंगांमुळे होणाऱ्या विविध आजारांबद्दल माहिती दिली.विद्यार्थ्यांनी खुप आनंदाने होळी साजरी केली.सदर उत्सव शाळेच्या मुख्याध्यापिका माधुरी चौधरी व शिक्षिका सारीका कासार यांच्या मार्गदर्शनाखाली साजरा करण्यात आला.