लोहारा ता. पाचोरा जि. जळगाव (रिपोर्टर ईश्वर खरे)-डॉक्टर बाबासाहेब आंबेडकर यांच्या महापरिनिर्वाण दिनानिमित्ताने लोहारा येथील जिल्हा परिषद मुलींची शाळा येथे आनंदयात्री परिवार,रोटरी क्लब,इंडियन डेंटल असोसिएशन, व माणुसकी रुग्णसेवा समूह यांचा संयुक्त विद्यमानाने आरोग्य शिबिराचे आयोजन करण्यात आले होते. या कार्यक्रमाच्या अध्यक्षस्थानी आनंदयात्री परिवाराचे अध्यक्ष बालरोगतज्ञ डॉ.अमोल सेठ हे होते. दंतरोगतज्ञ डॉ.आशिष महाजन यांनी आरोग्याबाबत मुलींना काही प्रश्न विचारून जागरूक केले दंत रोगाकडे दुर्लक्ष करू नका असे त्यांनी आवर्जून सांगितले.. व त्यानंतर मुलींचे मौखिक ,दंत,स्किन, जनरल आजार यांची तपासणी करण्यात आली. व आरोग्यवर्धक टॉनिक देण्यात आले. व मुलींना एक वही व एक पेन असे शालेय साहित्य मोफत देण्यात आले. आरोग्य तपासणी कामी दंतरोगतज्ञ डॉ.प्रशांत सरताळे,डॉ.शुभम सरताळे,डॉ.पराग पाटील,जनरल फिजीशियन डॉ.आशिष महाजन,डॉ.अमोल सेट,यांनी काम पाहिले.यावेळी ज्येष्ठ नागरिक संघाचे अध्यक्ष भास्कर आंबिकर,प्रभाकर चौधरी,माणुसकी समूहाचे चंद्रकांत गीते,गजानन क्षीरसागर,दिलीप चौधरी, संतोष भिवसने, समाधान नाथ,कमलाकर लिंगायत, पालक वर्ग उपस्थित होते. कार्यक्रमाचे प्रस्तावना आदर्श शिक्षक कृष्णा तपोने यांनी केली, शाळेचे मुख्याध्यापक विजयसिंग राजपूत व सर्व शिक्षक वृंद यांनी कार्यक्रम यशस्वीतेसाठी खूप मेहनत घेतली.
