वरणगाव(प्रतिनिधी)- आगामी काळात होऊ घातलेली वरणगाव नगरपरिषदेची निवडणूक महाविकास आघाडी च्या माध्यमातुन लढली जाईल असे राष्ट्रवादीच्या नेत्यांच्या माध्यमातुन वेळोवेळी सांगण्यात येत असतांनाच शिवसेनेच्या व काँग्रेस च्या काही पदाधिकाऱ्यांनी स्वतंत्र निवडणूक लढण्याचे ठरवल्याने राष्ट्रवादीत पक्षात झालेल्या भाऊगर्दीला मार्ग मोकळा झाल्याचे चित्र स्पष्ट झाले.माजी मंत्री खडसेंचे प्रभुत्व व राजेंद्र चौधरींचा दांडगा जनसंपर्क सत्तेची चाबी मिळवण्यासाठी पुरेसा असल्याणे राष्ट्रवादी काँग्रेस पक्षात ईच्छुकांची मोठी भाऊगर्दी झालेली असतांनाच महाविकास आघाडी झाली असती तर इच्छुकांचा हिरमोड होणे स्वाभाविक असतांना शिवसेना व काँग्रेस ने घेतलेल्या निर्णयाचा फायदा राष्ट्रवादीला होणार असुन सक्षम उमेदवार व खडसे व चौधरींच्या नेतृत्वात राष्ट्रवादीला मोठ यश मिळनार असल्याचे चित्र निर्माण झाले आहे.भाजपा तर्फे अजुन तरी कुठलीही हालचाल होत नसल्याने खडसेंच्या राष्ट्रवादी पक्ष प्रवेशा नंतरचे डॅमेज कंट्रोल चे काम अजुन देखील सुरुच आहे त्याला कितपत यश मिळेल हे सांगणे कठीण आहे.
