जळगाव(चेतन निंबोळकर)- येथील शकुंतला जीवराम महाजन विद्यालयात मुख्याध्यापिका आर.एन.महाजन यांच्या मार्गदर्शनाखाली विद्यालयात वृक्षारोपणाच्या कार्यक्रम घेण्यात आला. यावेळी विविध प्रकारच्या अनेक रोपांची लागवड करण्यात आली.याप्रसंगी खान्देश काॅलेज एज्युकेशन सोसायटीचे बीएड चे आंतरवाशीता छात्र अध्यापक असलम मन्यार यांनी मार्गदर्शन करतांना पर्यावरणाचे महत्त्व आणि यश प्राप्ती यावर विद्यार्थ्यांना मार्गदर्शन केले.तसेच मिलिंद महाजन यांनी अभ्यासाचे महत्त्व विद्यार्थ्यांना पटवून दिले. यावेळी आंतरवाशीता छात्र अध्यापक देवानंद धुंधाळे,कांतीलाल पाडवी, शांता पाडवी, सतगुरू बीएड महाविद्यालयाचे छात्रअध्यापक, विद्यार्थी मोठय़ा संख्येने उपस्थित होते. विद्यालयाचे शिक्षक ए.ए.सुरवळकर, एल.पी.चौधरी, एस.पी.नेहते, डि.वाय.फिरके , यांनी सहकार्य केले.
