जामनेर/ प्रतिनिधी –अभिमान झाल्टे
पालघर जिल्ह्यातील गडचींचले या गावाजवळ संत परिवारातील दोन संत आणि त्यांचा वाहनचालक या तिघांची जमावाने निर्घुण हत्या केली. ही घटना महाराष्ट्राला काळीमा फासणारी अशी आहे.
या घटनेतील दोषींचा जलदगती न्यायालयात खटला चालवून त्यांना कठोर शिक्षा करण्यात यावी असे येथील श्री गुरुदेव सेवा आश्रमचे गादीपती श्री श्याम चैतन्यजी महाराज यांनी जामनेरचे तहसीलदार अरुण शेवाळे यांना निवेदनाद्वारे केली आहे.
या अमानुष अत्यंत निंदनीय घटनेचा अखिल भारतीय संत समाज तसेच अखिल भारतीय चैतन्य साधक परिवार व गुरुदेव सेवा आश्रम जामनेरच्या वतीने सर्व संत मंडळीचे जाहीर निषेध करण्यात येत असून माणुसकीला काळीमा फासणाऱ्या या घटनेमुळे संत तुकाराम, संत ज्ञानेश्वर अशा असंख्य थोर संतांची परंपरा असलेल्या महाराष्ट्राच्या भूमीत आज संतही सुरक्षित नसल्याचे अधोरेखित होत आहे.
आरोपींना लवकर कठोर शिक्षा व्हावी अशी मागणी तहसीलदारांना दिलेल्या निवेदनात श्याम चैतन्य बापूंनी केली आहे.
