नाशिक-(प्रतिनिधी) – येथे 8 एप्रिल ते 10 एप्रिल दरम्यान झालेल्या राज्यस्तरीय टेनिस क्रिकेट पहिली महाराष्ट्र चॅम्पियनशीप ट्रॉफी 2022 मध्ये महिलांचा जळगाव टेनिस क्रिकेट संघ उपविजेता ठरला आहे. पहिल्यांदाच टेनिस क्रिकेट महाराष्ट्र चॅम्पियन शिपचे आयोजन केले होते.त्यात जळगाव संघाची कर्णधार कु.हर्षा सरोदे हिने या स्पर्धेत धडाकेबाज खेळाचे प्रदर्शन करत लीग क्रिकेट स्पर्धेत वूमन ऑफ द मॅच तर सम्पूर्ण स्पर्धेत वूमन ऑफ द सिरीज अवार्ड पटकावला.व आपल्या संघासाठी उत्कृष्ट अष्टपैलू खेळी करत जळगाव संघाला उपविजेते पद प्राप्त करून दिले.
जळगाव महिला टेनिस क्रिकेट संघामध्ये कर्णधार पदी हर्षा सरोदे, उपकर्णधार श्रुती शुक्ला,वृषाली काळे,रुपाली बाविस्कर ,वर्षा सोनवणे, अश्विनी राठोड,क्रांती तायडे,महेक तडवी ,जयश्री पाटील,प्रतीक्षा चव्हाण आरती सुरवाडे, गायत्री चौधरी असा मुलींचा संघ पहिल्यांदाच टेनिस क्रिकेट स्पर्धे मध्ये सहभागी झाला होता.तरी टेनिस क्रिकेट असोसिएशन महाराष्ट्र सेक्रेटरी श्रीमती.मीनाक्षी गिरी मॅडम ,टेक्निकल डायरेक्टर महाराष्ट्र श्री.स्वप्नील ठोमरे सर व जळगाव जिल्हा टेनिस क्रिकेट असोसिएशनचे सेक्रेटरी श्री.विष्णू ठाकरे सर यांनी संघाचे कौतुक करून पुढील वाटचालीस शुभेच्छा दिल्या.
