पाळधी – (प्रतिनिधी) – येथील इम्पेरिअल इंटरनॅशनल स्कुल पाळधी जळगाव या विद्यालयात आज शुक्रवार दि.२३/०७/२०२१ रोजी लोकमान्य टिळक जयंती व गुरुपौर्णिमा उत्साहात साजरी करण्यात आली. कार्यक्रमाच्या अध्यक्षस्थानी संस्थेचे चेअर मन इंजिनिअर श्री नरेश चौधरी सर हे होते.
याप्रसंगी लोकमान्य टिळक व सरस्वती मातेच्या प्रतिमेचे पूजन करण्यात आले. विद्यालयातील इयत्ता ८वी ते १०वीच्या विद्यार्थ्यांनी गुरुपौर्णिमा दिनाचे महत्त्व व लोकमान्य टिळक यांच्या जीवन कार्याविषयी भाषणे केलीत. प्राचार्य महेश कवडे सर यांनी आपल्या भाषणाद्वारे गुरुची महती व गुरुपौर्णिमा याविषयी अनेक कथा व प्रसंग यांच्याद्वारे माहिती सांगितली. तसेच त्यांनी लोकमान्य टिळक यांच्या स्वातंत्र्य चळवळीतील कार्याची व योगदानाची माहिती सांगितली.
कार्यक्रमाचे प्रास्ताविक व सूत्रसंचालन विद्यालयातील व्यवस्थापक श्री गजानन पाटील सर यांनी केले. याप्रसंगी विद्यालयातील सर्व शिक्षक, शिक्षिका, शिक्षकेत्तर कर्मचारी व विद्यार्थी उपस्थित होते.
