कासोदा ता.एरंडोल ( सागर शेलार )- तालुक्यातील उत्राण येथे दोन गटात शाब्दीक बाचा- बाचीत दोन गटात तुफान हाणामारी .
सविस्तर वृत्त असेंकी दि. २६ फेब्रुवारी २०२० रोजी सुरेखा पिरण कोळी ह्या आपल्या राहत्या घराच्या अंगणात सकाळी ७ वाजून २५ मिनिटांनी आपल्या मुलाला शाळेत सोडण्यासाठी बाहेर निघाल्या.मुलानी खोड काढली म्हणून आईने शिवी दिली असता , शेजारी असलेल्या संतोष बालू कोळी , आशाबाई कोळी , बालू देवराम कोळी , सुकलाल बालू कोळी यांनी सुरेखा कोळी यांना विचारणा केली शिवी कोणाला दिली, त्यांच्यात शाब्दीक वाद झाला , त्यात हाणामारी होऊन वरील चारही आरोपी यांनी सुरेखा पिरण कोळी , व पती पिरण कोळी यांना मागील भांडणाचा वचपा काढत सुरेखा कोळी यांना अश्लील शिवीगाळ करत लाथा बुक्यांनी मारहाण करून सुरेखा कोळी यांच्या डोक्यात कुकरच्या झाकणाने वार केल्याने. त्यात सुरेखा कोळी ह्या जबर जखमी झाल्या . त्यांना प्रथम कासोदा प्राथमिक आरोग्य केंद्रात उपचारासाठी दाखल केले.पुढील उपचारासाठी जळगाव येथे जिल्हा रुग्णालयात दाखल करण्यात आले होते. त्यांची प्रकृती सुधारित झाल्याने आज दि. ११ / ०३ / २०२० रोजी कासोदा पोलीस स्टेशनला भाग नं. ५ भांधवी कलम ३२४ , २९४ , ३२३ , ५०४ , ५०६ / ३४ विविध कलमान्वे चौघां विरुद्ध गुन्हा दाखल करण्यात आला आहे. पुढील तपास कासोदा पो.स्टे.चे स.पो.नि.रविंद्र जाधव यांच्या मार्गदर्शनाखाली पो.हे.कॉ. नंदकुमार पाटील करीत आहेत.
