पाळधी – (प्रतिनिधी) – तालुका धरणगाव येथील संदीप सुरेश पाटील यांची जिल्हाधिकारी कार्यालयातील वाहन चालक संघटनेच्या उपाध्यक्षपदी सर्वानुमते निवड झाली.
नुकतेच जळगाव येथे वाहन चालक संघटनेची सभा अध्यक्ष महेश महाले यांच्या उपस्थितीत झाली. यावेळी पदाधिकाऱ्यांची निवड करण्यात आली त्यात अध्यक्ष महेश महाले, उपाध्यक्ष संदीप पाटील, सल्लागार उमेश तळेकर, सहसचिव हिरामण सावळे ,खजिनदार सचिन मोहिते यांच्यासह इतर सदस्यांची निवड करण्यात आली.नुतन पदाधिकारी यांच्या नियुक्तीचे सर्वत्र अभिनंदन होत आहे.
