जळगांव(प्रतिनीधी)- येथील काशीबाई ऊखाजी कोल्हे विद्यालयात लोकशिक्षण मंडळ जळगांव व जळगांव भारत स्काऊट गाईड जिल्हा संस्था यांच्या संयुक्त विद्यमाने जळगांव तालुका स्तरीय स्काऊट गाईड मेळावा दिनांक १४ जानेवारी २०२० मंगळवार रोजी आयोजित केलेला आहे सदर मेळाव्यासाठी तालुक्यातून १००० स्काऊट गाईड तसेच स्काऊटर व गाईडर सहभागी होणार आहेत. या मेळाव्याला विविध स्पर्धांचे आयोजन करण्यात आले आहे. त्यात लोकनृत्य, अभ्यासक्रमावर आधारित प्रात्यक्षिक, लेझीम, टिपरी, झांझनृत्य, हस्तकौशल्य, शोभायात्रा अशा विविध प्रकारच्या स्पर्धांचे आयोजन करण्यात आले आहे. या मेळाव्याला उपस्थित राहण्याचे आवाहन जळगाव भारत स्काऊट गाईड जिल्हा संस्थेने केले आहे.
