जळगांव(प्रतिनिधी)- येथील जोशी कॉलनीत कामगार कल्याण केंद्रात कौमी एकता सप्ताहातंर्गत कामगार कल्याण केंद्रात अल्पसंख्यांक दिवस उत्साहात साजरा करण्यात आला. यावेळी जमलेल्या अल्पसंख्यांक लोकांना शासनाच्या विविध योजनांची माहिती देण्यात आली.
कार्यक्रमाचे अध्यक्ष म्हणून सेवानिवृत्त सहाय्यक फौजदार शेख रियाजोद्दीन हुसनोद्दीन हे होते तर कार्यक्रमाचे प्रमुख पाहुणे म्हणून एस.टी. महामंडळाचे मुगल मोहम्मद शरीफ बेग करीम बेग, एजाज शेख, एचडीएफसी बँकेचे अब्दुल भाई, शोएब शेख उपस्थित होते. प्रसंगी आवेश भाई, शेख तौसिफ अशफाक भाई, अमजदखा रशीदखा, अशोक बडगुजर उपस्थित होते. सदर उपक्रमासाठी मीना शिंदे, सुमन जयस्वाल यांनी परिश्रम घेतले. केंद्र संचालक शेख रियाजोद्दीन सकाउद्दीन यांनी प्रास्ताविक मांडून आभार मानले.
