जळगांव(प्रतिनिधी)- खान्देश तेली समाज मंडळ जामनेर तालुक्याचे उपाध्यक्ष विशाल हरिश्चंद्र चौधरी यांचा आज वाढदिवस होता. वाढदिवसाच्या निमित्ताने कोणताही डामडौल न करता, वाढदिवस साजरा न करता वाढदिवस साजरा करण्यासाठी येणारा खर्च त्यांनी जामनेर येथील एक युवक नंदू खाटीक याला मदत म्हणून दिली.
यावेळी रुपये अकराशे (११००/-) ची मदत नंदू खाटीक यांना देण्यात आली. नंदू खाटीक यांच्या दोन्ही किडन्या फेल झाल्यामुळे ते आजारी असून त्यांना मदतीची गरज आहे. खान्देश तेली समाज मंडळ हे संपूर्ण खान्देशात गोरगरीब, विद्यार्थी, समाज बंधू भगिनी यांना मदतीसाठी अग्रेसर असते याचा प्रत्यय या कौतुकास्पद कामगिरी मधून येतो. जामनेर तालुक्याचे अध्यक्ष अजय अशोक चौधरी, उपाध्यक्ष विशाल हरिचंद्र चौधरी, सचिव विलास शालिकराम चौधरी, जामनेर शहर अध्यक्ष निलेश रमेश चौधरी, उपाध्यक्ष अमोल युवराज चौधरी, खजिनदार वासुदेव सोपान चौधरी, सहसचिव संकेत शंकर चौधरी, कार्याध्यक्ष चैतन्य समाधान चौधरी यांनी या वेळेस नंदू खाटीक यांना मदत केली व यापुढेही सहकार्य करण्याचे आश्वासन दिले.
यावेळी नंदू खाटीक यांचे वडील यांनी खान्देश मंडळाचे आभार मानून मंडळाच्या कार्याचे कौतुक केले. जामनेर तालुका कार्यकारिणीने या अशा चांगल्या उपक्रमाने आपल्या कार्याची सुरुवात केल्यामुळे मंडळाचे अध्यक्ष कैलास आधार चौधरी व मुख्य सचिव रवींद्र जयराम चौधरी यांनी सुद्धा त्यांचे अभिनंदन केले असून जामनेर शहर व तालुका कार्यकारिणीच्या पदाधिकारींचे कौतुक केले आहे.
