जळगांव(प्रतिनिधी)- गावात नेहरू युवा केंद्राचे स्वयंसेवक निलेश बाविस्कर यांनी कार्यक्रम घेऊन गावातील युवकांकडून प्रतिज्ञा वाचून घेतली. यात ललित चव्हाण, संदीप पाटील, राहुल पाटील, दीपक रायसिंग, मनोज कोळी, धीरज कोळी, स्वप्नील महाजन,भैय्या पाटील आदी युवकांनी सहभाग घेतला. तसेच युवकांना मतदान करण्याचे महत्व देखील सांगण्यात आले. संविधान विषयक तरतुदी आणि अन्य माहिती देखील देण्यात आली. प्रसंगी ग्राम स्वच्छता देखील करण्यात आली. नेहरू युवा केंद्राचे समन्वयक नरेंद्र डागर यांच्या मार्गदर्शनाखाली तालुका स्वयंसेवक निलेश बाविस्कर यांनी काही तरूणांना सोबत घेऊन ग्राम स्वच्छता केली. यात लोकांना समाज जनजागृती देखील करण्यात आली. गावातील मुख्य रस्ता आणि मनुदेवी चौक इथे स्वच्छता करण्यात आली.
