मुंबई – (प्रतिनिधी) – आज दि. 21 रोजी सकाळी दहा वाजता शिवसेनेचे राज्यसभेचे खासदार, दैनिक सामना संपादक शिवसेनेची बुलंद तोफ संजयजी राऊत साहेब यांच्या उपस्थितीत आज बंजारा समाजातील उच्चशिक्षित तरुण,म्हाडा सेवानिवृत्त अभियंता अनिल राठोड यांनी आपल्या सहकारी मित्र अभियंत्यांसह शिवसेना उद्धव बाळासाहेब ठाकरे गटात प्रवेश केला. *खासदार संजय राऊत साहेब यांच्या हस्ते अभियंता अनिल राठोड, दयाराम राठोड यांचा शिवबंधन बांधून उद्धव बाळासाहेब ठाकरे शिवसेनेत प्रवेश करण्यात आला आहे.
याप्रसंगी शिवसेनेचे उपनेते संजय सावंत, माजी खासदार उन्मेशदादा पाटील,लोकसभेचे उमेदवार करणदादा पवार, जिल्हाप्रमुख डॉ. हर्षल माने यांच्यासह मान्यवर उपस्थित होते.
अभियंता आमदार करणार – अनिल राठोड
बंजारा समाजातील उच्चशिक्षित तरुण,म्हाडा सेवानिवृत्त अभियंता अनिल बद्रीनाथ राठोड,ठाणे महानगरपालिकेचे सेवानिवृत्त अभियंता दयानंद रामदास राठोड, अभियंता मिञ परिवारासह आज शिवसेना उद्धव बाळासाहेब ठाकरे गटात प्रवेश केला आहे.गेल्या दहा वर्षांपासून अभियंता माजी खासदार, माजी आमदार उन्मेशदादा पाटील यांच्या माध्यमातून चाळीसगाव तालुक्यात सर्व समाजांना सोबत घेऊन राजकारण करण्याचे जे सोशल इंजिनिअरिंग सुरू होती यातून प्रभावीत होवून आम्ही शिवसेना उद्धव बाळासाहेब ठाकरे गटात प्रवेश करत असल्याचे त्यांनी सांगितले. सध्या चाळीसगावात जातीपातीत तेढ निर्माण करण्याचा प्रयत्न थांबवण्यासाठी उन्मेशदादा पाटील यांच्या माध्यमातून शिवसेनेत प्रवेश करत असल्याची भावना इंजी.अनिल राठोड यांनी व्यक्त केली.
अनिल राठोड यांचा चाळीसगावात झाला होता झंझावाती दौरा
चाळीसगावातील बंजारा समाजाच्या युवकांच्या ,जनतेच्या सुखदुःखात नेहमी सहभागी होणारे समाजातील उमदा तरुण अनिल राठोड यांचा गेला पंधरवाड्यात बंजारा समाजाच्या युवकांनी जंगी तसेच गावोगावी बॅनर लावून त्यांचे स्वागत केले होते.तेव्हापासून अनील राठोड सोशल मीडियावर चर्चेचा विषय ठरले होते.आज त्यांच्या प्रवेशाने उद्धव बाळासाहेब ठाकरे पक्षाची विजयाकडे घौडदौड सुरू असून महाविकास आघाडी मजबूत होणार असून परीवर्तन अटळ असल्याचे शिक्कामोर्तब झाल्याचे दिसून येत आहे.
