जळगाव – (प्रतिनिधी) – क्रांतीसूर्य महात्मा ज्योतीबा फुले व भारतरत्न डॉ. बाबासाहेब आंबेडकर यांच्या जयंतीनिमित्त सामाजिक न्याय विभाग व इतर मागास बहुजन कल्याण विभागाची स्वायत्त संस्था महाज्योती, नागपूर यांच्या संयुक्त विद्यमाने दि.12.04.2023 रोजी सायं.6.00 वा. छत्रपती संभाजी महाराज नाटयगृह, महाबळ, जळगाव येथे क्रांतीगाथा वाद्य वृंदाचा संगीतमय नजराणा “समता रजनी” कार्यक्रमाचे आयोजन केले आहे.
या कार्यक्रमासाठी प्रसिध्द स्टँडअप कॉमेडियन दिलीप केदार, पार्श्वगायिका आवाज महाराष्ट्राचा ज्योती चौहान, गायक सायबा, सचिन जावळे व संतोष चव्हाण हे आपल्या गीतांच्या माध्यमातून स्वर संगीताच्या साथीत सुरेल वंदन करणार आहेत. या कार्यक्रमास जास्तीत जास्त संख्येने नागरिकांनी सहभागी होण्याचे आवाहन योगेश पाटील, सहायक आयुक्त, समाज कल्याण, जळगाव यांनी केले आहे.
