जळगाव(प्रतिनिधी)- जिल्हा शारीरिक शिक्षण व क्रीडाशिक्षक महासंघातर्फे सन २०२० चे जिल्हास्तरीय आदर्श क्रीडाशिक्षक पुरस्कार व क्रीडा जीवनगौरव पुरस्कार जाहीर करण्यात आले आहे.
जिल्हास्तरीय पुरस्कार निवड समिती सदस्य डॉ पी आर चौधरी (क्रीडासंचालक,श्री शिरीष मधुकरराव चौधरी महाविद्यालय,जळगाव), प्रशांत कोल्हे (कार्याध्यक्ष, जळगाव जिल्हा शारीरिक शिक्षण व क्रीडाशिक्षक महासंघ), श्री जयांशू पोळ (सहसचिव, महाराष्ट्र खो-खो असोसिएशन), श्री प्रा आसिफ खान (जिल्हास्तरीय गुणवंत क्रीडा मार्गदर्शक पुरस्कार्थी,महाराष्ट्र शासन) व डॉ रणजित पाटील (राज्यस्तरीय आदर्श क्रीडाशिक्षक पुरस्कार्थी) यांच्या पुरस्कार निवड समितीने जिल्हाभरातून आलेले प्रस्ताव छाननी करून अंतिम पुरस्कार्थी निवड प्रक्रिया पूर्ण केली. पुरस्कार जाहीर झालेल्या सर्व क्रीडाशिक्षक पुरस्कारथींचे मनःपूर्वक अभिनंदन ! सदर पुरस्कार वितरण समारंभाचे आयोजन लवकरच करण्यात येईल.
