अमळनेर येथे साने गुरुजींच्या कर्मभूमीत स्मृतींना उजाळा
जळगाव – (प्रतिनिधी) – येथील अध्यापक विद्यालयाच्या 1991 ते 1993 या वर्षाच्या माजी विद्यार्थ्यांचा स्नेह मेळावा साने गुरुजींची कर्मभूमी असलेल्या अमळनेर येथे नुकताच संपन्न झाला.
चाळीसगाव येथे मागील वर्षी सुरू करण्यात आलेल्या या स्तुत्य उपक्रमाची परंपरा कायम राखत माजी विद्यार्थी 29 वर्षांनी पुन्हा एकत्र आले. आणि अमळनेर तेथे दुसरे पुष्प गुंफण्यात आले.
सुरुवातीला जिल्हाभरातून आलेल्या सर्व शिक्षकांचे आयोजकांनी पुष्पगुच्छ देऊन स्वागत केले.
याप्रसंगी वर्गमित्रांचा परिचय, मंगळग्रह मंदिर दर्शन ,संत सखाराम महाराज समाधी व वाडी दर्शन ,पाडळसरे धरण भेट, प्राचीन कपिलेश्वर मंदिर दर्शन तसेच कपिलेश्वर येथे निसर्गरम्य वातावरणात स्नेहभोजनसह विविध कार्यक्रमांचा सर्वांनी मनसोक्त आनंद घेतला.
साने गुरुजी यांच्या स्मृती जपाव्यात तसेच त्यांचा आदर्श डोळ्यासमोर ठेवून सर्व शिक्षकांनी काम करावे या भावनेने सर्वांना गुरुजींचा सुंदर फोटो व पुस्तक भेट दिले. पुढील वर्षी जळगाव येथे स्नेहमेळावा आयोजित करण्यात येणार आहे. याप्रसंगी परशुराम गांगुर्डे या वर्गमित्राला श्रद्धांजली अर्पण करण्यात आली.
यांची होती उपस्थिती
किशोर अहिरराव, दत्तात्रय सोनवणे, विजय पाटील, महेश बोरसे, प्रदीप राजपूत (सर्व अमळनेर)
सुनील पवार ,सोमनाथ महाजन, राजेंद्र कोळी ,अरुण चौधरी (सर्व जळगाव)
गजानन वराडे, विकास वराडे ,प्रमोद पाटील ,ज्ञानेश्वर मगरे, मनोहर लोखंडे (सर्व जामनेर)
सुनील पाटील ,संजय बारी, हिरालाल मोतीराळे, (सर्व चोपडा) सुनील पाटील (एरंडोल) ईश्वर बडगुजर, अशोक महाले ,साहेबराव महाले, दत्तात्रय खैरनार ,भाईदास सोमवंशी, विनोद पाटील ,उत्तम अहिरे (सर्व पाचोरा )देविदास बोरसे ,विलास सोनवणे ,बापू चौधरी, संदीप बोरसे ,धोंडीराम मोरे ,मनोज वाघ (सर्व चाळीसगाव) ज्ञानेश्वर माळी (धरणगाव)
स्नेहमेळाव्याचे आयोजन किशोर अहिरराव, दत्तात्रय सोनवणे ,विजय पाटील, महेश बोरसे, प्रदीप राजपूत या अमळनेर येथील शिक्षकांनी अतिशय उत्तम पद्धतीने केले.
