जिल्ह्यात आतापर्यंत 257 कोरोना बाधित रूग्ण
जळगाव, (जिमाका वृत्तसेवा) दि. 16 – जिल्ह्यातील भुसावळ, जळगाव, पारोळा व चोपडा येथे स्वॅब घेतलेल्या 30 कोरोना संशयित व्यक्तींचे नमुना तपासणी अहवाल आज प्राप्त झाले आहे. यापैकी 16 व्यक्तींचे तपासणी अहवाल निगेटिव्ह आले असून चौदा व्यक्तींचे तपासणी अहवाल पॉझिटिव्ह आले आहे.
आज रात्री प्राप्त झालेल्या अहवालात जळगाव शहरात चार कोरोना बाधित रुग्ण आढळून आले आहे. या रुग्णांपैकी दोन रूग्ण हे आदर्शनगरातील आहेत. तर दोन रूग्णांनी पत्ता जळगावचा दिलेला असला तरी प्रत्यक्षात एक रूग्ण हा भुसावळचा तर एक रूग्ण हा धरणगाव येथील आहेत. अशी माहिती महानगरपालिका रूग्णालयाचे डाॅ. रावलाणी यांनी दिली आहे.
तसेच भुसावळ येथील १० रुग्णाचा समावेश आहे.
जिल्ह्यात आतापर्यंत कोरोना बाधित रूग्णांची संख्या 257 इतकी झाली असून त्यापैकी 45 व्यक्ती कोरोनामुक्त होऊन घरी गेल्या आहेत तर तीस कोरोना बाधित रूग्णांचा मृत्यू झाला आहे. अशी माहिती जिल्हा प्रशासनाच्यावतीने देण्यात आली आहे.
