जळगाव, दि. 9 (जिमाका वृत्तसेवा) :- जिल्हा जात प्रमाणपत्र पडताळणी समिती जळगाव याच्याकडून जाहिर आवाहन करण्यात येते की, ज्या उमेदवारांनी जात वैधता प्रमाणपत्र पडताळणी समिती,डॉ. बाबासाहेब आंबेडकर सामाजिक न्याय भवन, मायादेवी मंदीर समोर महाबळ जळगाव यांचेकडे ऑनलाईन / ऑफलाईन् अर्ज सादर केलेला आहे. अशा अर्जांना त्रुटी पुर्तता / कागद पत्रांची पुर्तता करण्याकरीता दि. 25 फेब्रुवारी, 2022 पर्यंत मुदतवाढ देण्यात येत आहे. सदर कालावधीत अर्जदारांकडून त्रुटी पुर्तता न करण्यात आल्यास सदर प्रकरणे बंद करण्यात येतील.
सदर जाहीर आवाहनाच्या अनुषंगाने अर्जदारांना सुचना करण्यात येते की, ऑनलाईन फॉर्म भरतेवेळी ईमेल आय डी , फोन नंबर स्वताचा किंवा पालकांचा दयावा, त्रयस्थ व्यक्तीचा देण्यात येवू नये कारण असे प्रकारच्या त्रुटी अथवा व्हॅलीड होण्याचे एसएमएस आणि ई – मेल आपण दिलेल्या आयडी व मोबाईल वर ऑटो पाठविले जातात. तसेच ऑनलाईन फॉर्म भरतांना सर्व कागदपत्रे अपलोड करण्यात यावे.
तरी उमेदवारांनी वेळेत येवून पुर्तता करुन आपले जात वैधता प्रमाणपत्र प्राप्त करुन घ्यावे, असे आवाहन संशोधन अधिकारी, जिल्हा जात प्रमाणपत्र पडताळणी समिती यांनी एका प्रसिध्दी पत्रकान्वये कळविले आहे.
