जळगाव – (प्रतिनिधी) -येथील जिल्हा परिषदेच्या आरोग्य विभागाचे सहाय्यक प्रशासन अधिकारी दिनेश झोपे व अतिरिक मुख्य कार्यकारी अधिकारी यांचे स्वीय सहाय्यक किरण लाडवंजारी यांना उल्लेखनीय कार्यालयीन कामकाजाबाबत उत्कृष्ट कर्मचारी पुरस्कार जाहीर झाल्याबद्दल मुख्य कार्यकारी अधिकारी डॉ. पंकज आशिया यांचे हस्ते सोमवार दि. २७ जून रोजी दोघांचा प्रमाणपत्र देऊन सत्कार करण्यात आला.
जिल्हा परिषदेच्या विविध विभागांतर्गत उत्कृष्ट कार्यालयीन कामकाज करणाऱ्या कर्मचाऱ्यांचा उत्कृष्ट कर्मचारी पुरस्कार देऊन गौरव करण्यात येतो त्याअंतर्गत जिल्हा परिषदेच्या आरोग्य विभागाचे सहाय्यक प्रशासन अधिकारी दिनेश झोपे यांना फेब्रुवारी २०२२ साठी व अतिरिक्त मुख्य कार्यकारी अधिकारी यांचे स्वीय सहाय्यक किरण लाडवंजारी यांना मे २०२२ साठीचा उत्कृष्ट कर्मचारी पुरस्कार जाहीर करण्यात आला. सोमवारी जिल्हा परिषदेच्या साने गुरुजी सभागृहात या पुरस्काराचे वितरण मुख्य कार्यकारी अधिकारी यांचे हस्ते करण्यात आले. यावेळी उपमुख्य कार्यकारी अधिकारी स्नेहा कुडचे, यांचेसह सर्व विभागांचे सहाय्यक प्रशासन अधिकारी तसेच कनिष्ठ प्रशासन अधिकारी उपस्थित होते.
