अमळनेर – (प्रतिनिधी) – जागतिक योग दिनानिमित्त सकाळी ८ ते ९.३० वाजता महाएनजीओ फेडरेशन महाराष्ट्र, पुणे आणि ज्ञानवर्धिनी फाउंडेशन, अमळनेर यांच्या संयुक्त विद्यमाने स्टार्स अकॅडमी, अमळनेर येथे ऑनलाईन योग शिबिराचे आयोजन करण्यात आले.
शिबिराचे उद्घाटन प्रमुख पाहुणे निवृत्त मंडळ अधिकारी शिवाजी मोहन पाटील व निवृत्त केंद्र प्रमुख बन्सीलाल आसाराम भागवत यांच्या हस्ते करण्यात आले. यावेळी ज्ञानवर्धिनी फाउंडेशनचे संस्थापक अध्यक्ष रवींद्र मोरे, स्टार्स अकॅडमीचे संचालक राहुल वाघ आणि विनोद पाटील तसेच महेश पाटील, निर्मालाबाई वाघ, ग्रा.पं. सदस्य अनिता मोरे आदींनी शिबिराचा लाभ घेतला. शिबीरातील उपस्थितांना सहभागी प्रमाणपत्रही देण्यात आले.
