जळगाव – (प्रतिनिधी) – जळगाव तालुक्यातील आमोदे बु.येथील टेलर विनायक शामराव सुर्यवंशी वय ७०.यांचे गावात पक्के घर आहे. मुलगा शशीकांत वय ३५ याला नवीन जागेवर घर बनवून दिले.
तरीही मुलाने ७०चे वडील आणि ६५ ची आई ला मारहाण करून घराबाहेर हाकलले. ते आता मुलीकडे बुधगाव येथे राहात आहेत.आईला मारले म्हणून वडिलांना धक्का बसला. ते जळगाव येथे आर्किड दवाखान्यात भरती झाले. सामाजिक कार्यकर्ते शिवराम पाटील यांनी सांगितले की,
माझ्या कडे तक्रार आल्यावर, तहसीलदार ,प्रांत यांचेकडे मी व्यक्तीशः अपील केले. सोबत सरपंच पती विकास पाटील यांना घेतले. तहसीलदार हिंगे यांनी आमोदे बु येथे प्रत्यक्ष भेट देण्याची विनंती मान्य केली.
आमोदे बु.गावात ही बातमी वाऱ्यासारखी पसरली. आता म्हातारी आईबापाला स्वताचे,हक्काचे घर मिळवून देणार आहोत. आई जन्म देते.दूध पाजते.त्याचे बील बनत नाही. पण सुनेने सासूला खाऊ घातले तर त्याची वाखाणणी मुले करतात. बायकोच्या सांगण्यावरून जन्मदाती आई चुकीची वाटू लागते.बाप नकोसा वाटतो. अशी परिस्थिती फक्त शहरात नव्हे, आमोदे सारख्या खेड्यात ही आहे.
आज आमोदे येथील बेघर जोडपे जळगाव ला येत आहेत. आपण त्यांची दखल घेतली तर, आप्पा बेलवणकरांची वेदना आपल्यापर्यंत पोहचली तर ,मला या कामात मदत होईल, असे आवाहन जळगाव येथील सामाजिक कार्यकर्ते शिवराम पाटील यांनी केले आहे.
