तरुण वर्गात मूळव्याध आणि वंध्यत्व होण्याचे वाढते प्रमाण चिंतेचा विषय

जळगांव (धर्मेश पालवे):- आज सर्वत्र जीन्स ही जगातल्या काना कोपऱ्यात पसरलेल्या जाळ्या सारखी वापरली जात आहे. मुख्य म्हणजे भारत भर प्रमुख महानगरात व त्यातील लहान मोठ्या गावामध्ये ही जीन्स वापरली जाते विशेष म्हणजे महिला, पुरुष,बाल व तरुण तरुणीची जीन्स घालताना दिसत असल्याचं आपण पाहत आहोत. हव्या हव्याश्या या कापडाच्या जीन्स आता डोकेदुखी बनत आल्याच समोर येत आहे.जीन्सचे कापड हे खूप जाड असते त्यामुळे हवा सुध्दा सहजपणे जाऊ शकत नाही. त्यामुळे उष्णता कपड्यांच्या आतच कोंडून ठेवली जाते. थंड वातावरणात लराहणाऱ्या व्यक्तींनी जीन्स वापरली तर ठीक आहे पण भारतासारख्या उष्णकटिबंधातील लोकांनी सतत जीन्स वापरणे पूर्णपणे चूक आहे. कंबर, जननेंद्रिय आणि जांघेच्या भागात एरवीही अधिक प्रमाणात घाम येतो.नेहमी जीन्स वापरल्याने हा घाम त्या ठिकाणी साचून राहतो आणि ‘फंगल इन्फेक्शन’ होते. जर एकच जीन्स न धुता चार चार दिवस वापरली तर जीन्सवरची घाण आणि आतला साचणारा घाम याच्यामुळे अशा व्यक्तींना होणारे ‘फंगल इन्फेक्शन’ कितीही अँटी फंगल क्रीम्स वापरली तरी बरे होत नाही. गेल्या पाचेक वर्षात असे जुनाट फंगल इन्फेक्शनचे पेशंट मोठ्या प्रमाणात वाढले आहेत. जीन्सचा अतिरेकी वापर हे याचे महत्त्वाचे कारण आहे.हल्लीच्या बहुतांश लोकांच्या कामाचे स्वरूप बैठे आहे. जीन्स घालून सतत खुर्चीवर बसल्याने मोठ्या प्रमाणात उष्णता निर्माण होते. ही उष्णता काही जणांमध्ये पाईल्स, फिशर यासारखे गुदद्वाराशी संबंधित आजार निर्माण करते. पाईल्स म्हणजे गुदव्दाराशी निर्माण होणारे अंकुर तर संडासाच्या जागी निर्माण होणारी जखमेला फिशर असे म्हणतात. ही जखम अत्यंत वेदनादायक असते. कधी कधी बद्धकोष्ठतेचा विशेष त्रास नसणाऱ्या व्यक्तींमध्येही फिशर बघायला मिळते अशा वेळी त्याचे कारण जीन्स घालून सतत एका जागी बसणे हे असते.नेहमी टाईट जीन्स घालणाऱ्या आणि हाय हील संडल्स तरुणींची व्यथा काय सांगावी ? उभे राहणे आणि चालणे या क्रिया विचित्र पद्धतीने कराव्या लागल्यामुळे त्यांना कंबरदुखी, टाचदुखी आणि फ़ंगल इन्फेक्षण मुळे गर्भपिशवी चे आजारही बडावतात, तर गर्भवती महिला असल्यास गर्भपातही होऊ शकतो, पोटऱ्यांमध्ये गोळे येणे यांना तोंड द्यावे लागते. टाईट जीन्समुळे कंबर आणि मांड्यांच्या नसांना (Nerves) ईजा होऊन मांड्या आणि पायांना मुंग्या येणे, आग होणे यासारखे प्रकार उद्भवू शकतात. सतत जीन्स वापरल्यामुळे होणारे हे आजार पाहून जीन्सचा अतिरेक किती घातक आहे हे लक्षात येतं.
जसा देश तसा वेष अशी म्हण आहे. पण आज आपला पेहराव फॅशनवर ठरतो. कधीतरी बदल म्हणून करण्याची ‘फॅशन’ हीच सगळ्या ‘नेशन’ची आवड झाली तर आरोग्याची परिस्थिती कशी ‘भीषण’ होते याचे उदाहरण म्हणजे जीन्स सदर शोध लिखाण हे एका प्रख्यात डॉक्टरांच्या लिखित संदर्भातून सारांश घेऊन लिहिले आहे.