जळगाव, दि.२ – जगभरात ३ जून जागतिक सायकल दिन म्हणून साजरा केला जातो. फिट इंडिया मोहिमेंतर्गत उद्या दि.३ रोजी नेहरू युवा केंद्र जळगावतर्फे भव्य सायकल रॅलीचे आयोजन करण्यात आले आहे. सकाळी महापौर जयश्री महाजन यांच्या हस्ते हिरवी झेंडी दाखवून रॅलीचे उदघाटन होणार आहे.
केंद्र शासनाचा उपक्रम असलेल्या नेहरू युवा केंद्र जळगावतर्फे उद्या जिल्हा युवा अधिकारी नरेंद्र डागर यांच्या मार्गदर्शनाखाली भव्य सायकल रॅलीचे उदघाटन करण्यात आले आहे. सकाळी ७ वाजता शासकीय आयटीआय महाविद्यालय येथून रॅलीला सुरुवात होणार आहे. जळगाव शहराच्या प्रथम नागरिक महापौर जयश्री महाजन यांच्या हस्ते हिरवी झेंडी दाखवून रॅलीला सुरुवात होणार आहे.
जळगाव शहरात फिरून शिवतीर्थ मैदान येथे रॅलीचा समारोप होईल. जळगाव शहरातील सायकलप्रेमी, विद्यार्थी, तरुण, तरुणी आणि नागरिकांनी या रॅलीत सहभागी व्हावे, असे आवाहन नेहरू युवा केंद्राचे अजिंक्य गवळी यांनी केले आहे.
