भडगांव-(प्रतिनिधी)-येथून जवळच असलेल्या कर्मवीर तात्यासाहेब हरी रावजी पाटील किसान शिक्षण संस्था,भडगाव संचलीत न्यू. इंग्लिश मेडियम स्कूल,कोळगाव येथे शिक्षकदिन बाल गोपाळांच्या उत्साहात साजरा करण्यात आला. भारताचे माजी राष्ट्रपती श्रीयुत सर्वपल्ली राधाकृष्णन यांच्या जन्मदिनी साजरा केल्या जाणाऱ्या या शिक्षकदिनी स्कूलमधील विद्यार्थ्यांनी मोठ्या संख्येने सहभागी होऊन कार्यक्रम यशस्वी होण्यास हातभार लावला. आज विद्यार्थ्यांनीच मुख्याध्यापक पासून ते शिपाई कर्मचारी पदाची जबाबदारी यशस्वीपणे पार पाडली यात मुख्याध्यापिका म्हणून कु.चेतना महाजन हिने भुमिका पार पाडली,तर मयुरेश पाटील,हितेश माळी,दर्शन पाटील,कांचन लोहार,तन्वी पाटील,यामिनी पाटील,अश्लेशा पाटील,साक्षी पाटील,साहिल परदेशी,हेमंत बोरसे,देवयानी शिंदे,याचिका देसले,चेतन परदेशी,पुष्पक महाजन आदि विद्यार्थ्यांनी शिक्षक-शिक्षकेतर म्हणून कामकाज पाहिले. कार्यक्रम यशस्वी पार पाडण्यासाठी मुख्याध्यापक संदीप देसले यांच्या मार्गदर्शनाखाली उपशिक्षिका सुनीता पाटील,दिपाली पाटील,जयश्री पाटील,भावना सोनवणे,माधुरी पाटील,शारदा पाटील,वैशाली पाटील,जनाबाई महाजन आदिंनी परिश्रम घेतले.
