जळगांव(प्रतिनीधी)- सलग दोन वर्ष अहेरी जिल्हा गडचिरोली या नक्षलग्रस्त भागात अत्यंत चोख व खडतर सेवा बजावल्याबद्दल जळगांव पोलीस अधीक्षक कार्यालयातील पोलीस बिनतारी संदेश विभागाचे पोलीस निरीक्षक सुनील सुदाम बोंदर यांना आंतरिक सुरक्षा सेवा पदक जाहीर झाले आहे. ते सोलापूर येथील रहिवाशी असून १९८८ च्या बॅचचे अधिकारी आहेत. त्यांनी पोलीस निरीक्षक म्हणून सोलापूर, गडचिरोली, भंडारा या ठिकाणी सेवा दिलेली असून सध्या ते पोलीस बिनतारी संदेश विभाग, पोलीस अधीक्षक कार्यालय जळगांव या ठिकाणी सेवा देत आहेत. त्यांना आंतरिक सुरक्षा सेवा पदक जाहीर झाल्याबद्दल त्यांचे पोलीस दलासह सर्वत्र कौतुक होत आहे.
