भडगांव(प्रतिनिधी)- तालुक्यातील प्रताप माध्यमिक विद्यालय(वडगाव सतीचे) याठिकाणी स्नेह मेळावा २०२१ एस.एस.सी वर्ग २००१/२००२ या बॅच चे आयोजन करण्यात आले होते. स्नेह मेळाव्यासाठी संस्थेचे पदाधिकारी, गुरुजन वर्ग आणि माजी विद्यार्थी-विद्यार्थिनी उपस्थित होते.
सदरील कार्यक्रमास दि शेंदुर्णी सेकंडरी एजुकेशन को.ऑफ सोसायटी लिमिटेड संस्थेचे संचालक सतीश काशीद, संचालिका उज्वला काशीद हे प्रमुख पाहुणे म्हणून उपस्थित होते. तसेच संस्थेचे जेष्ठ संचालक यु.यु.पाटील कार्यक्रमाच्या अध्यक्ष स्थानी होते. अध्यक्ष व प्रमुख पाहुणे यांच्या हस्ते दिपप्रज्वलन करून कार्यक्रमास सुरुवात करण्यात आली. दिप प्रज्वलना नंतर प्रमुख पाहुण्यांचा सत्कार करण्यात आला.
सत्कारानंतर माजी विद्यार्थ्यांकडून आजी माजी शिक्षक यांना सन्मानित करून ऋननिर्देश दिले. यानंतर सर्व माजी विद्यार्थ्यांनी शाळेविषयी आपल्या भावनाना वाट मोकळी करून आपले मनोगत व्यक्त केले. प्रत्येक माजी विद्यार्थ्यांने शाळेत आपली आठवण म्हणून शाळेच्या प्रांगणात वृक्ष लागवड केली. सदरील कार्यक्रमासाठी संस्थेचे संपर्क अधिकारी एस.के.राठी व शाळेचे मख्याध्यापक पी.एल. पाटील यांचे मोलाचे मार्गदर्शन लाभले.
कार्यक्रमाचे सूत्र संचालन स्वप्नील पाटील आणि सुजाता राठी यांनी केले. सदरील कार्यक्रमासाठी समाधान रोकडे व मनीषा पाटील व सर्वच माजी विद्यार्थ्यांचे अनमोल सहकार्य लाभले. सदरील कार्यक्रम पाहून सर्वच मान्यवर तसेच आजी माजी शिक्षक व मुख्याध्यापक यांनी आनंद व्यक्त केला.शेवटी वैशाली पाटील यांनी सर्वांचे आभार व्यक्त करून कार्यक्रमाचा समारोप केला.
