सौ. रजनीताई नानासाहेब देशमुख कला, वाणिज्य व विज्ञान महाविद्यालय, भडगाव येथील अर्थशास्त्र विभागात कार्यरत तसेच महिंदळे, ता. भडगाव येथील रहिवासी प्रा. जनार्दन जानजी देवरे यांना नुकतीच कवयित्री बहिणाबाई चौधरी उत्तर महाराष्ट्र विद्यापीठाने अर्थशास्त्र विषयातील पीएच.डी. (आचार्य) पदवी घोषित केली. त्यासंबंधीचे नोटिफिकेशन विद्यापीठाचे प्र-कुलगुरू प्रा. डॉ. एस. टी. इंगळे यांच्या हस्ते त्यांना बहाल करण्यात आले.
‘जळगाव जिल्ह्यातील केळी उत्पादन आणि विपणनाचे अर्थशास्त्रीय अध्ययन (कालखंड : २००५-०६ ते २०१४-१५) हा त्यांच्या पीएच.डी. पदवीच्या संशोधनाचा विषय होता. नगाव, ता. जि. धुळे येथील कला, वाणिज्य व विज्ञान महाविद्यालयातील प्रा. डॉ. आर. पी. पाटील यांचे त्यांना मार्गदर्शन लाभले. सौ. रजनीताई नानासाहेब देशमुख कला, वाणिज्य व विज्ञान महाविद्यालयातील अर्थशास्त्र विभागप्रमुख डॉ. बी.एस. भालेराव यांचे त्यांना विशेष सहकार्य लाभले. डॉ. जनार्दन देवरे यांचे पाचोरा तालुका सहकारी शिक्षण संस्थेचे अध्यक्ष तथा माजी आमदार दिलीप वाघ, चेअरमन संजय वाघ, मानद सचिव ॲड. महेश देशमुख, व्हाईस चेअरमन व्ही. टी. जोशी, ज्येष्ठ संचालक नानासाहेब देशमुख, प्राचार्य डॉ. एन. एन. गायकवाड, महाविद्यालयातील सर्व प्राध्यापक, कर्मचारी व विद्यार्थ्यांनी अभिनंदन केले.
