जळगांव(प्रतिनीधी)- येथील प.न.लुंकड कन्या शाळेत मुलींना स्वत:चे संरक्षण करता यावे व अवेळी अन्याय होत असताना त्याचा त्यांना प्रतिकार करता यावा तसेच एखाद्या भुरट्याने हल्ला करून गळ्यातील सोन्याचा ऐवज पळवून नेण्याचा प्रयत्न केला तर त्यास कसे रोखावे यासाठी येथील मुलींना इयत्ता १० वी तील राष्ट्रीय पातळीवरील बाँक्सिंग विजेती कु. दिशा विजय पाटील हिने बाँक्सिंग व कराटे व्दारे शाळेतील विद्यार्थीनींना स्वसंरक्षणाचे धडे दिले. यावेळी शाळेच्या समन्वयिका पद्मजा अत्रे, मुख्याध्यापिका साधना भालेराव, उपमुख्याध्यापिका स्वाती नेवे, शुभांगी देवांग आदी शिक्षक शिक्षकेतर कर्मचारी उपस्थित होते.
