जळगाव : येथील युवाशक्ती फौंडेशनतर्फे हिंदूहृदयसम्राट बाळासाहेब ठाकरे यांच्या ९४ व्या जयंतीनिमित्त शहरात ९४ ब्लॅंकेट गुरुवारी गोरगरीब व गरजूंना वाटप करण्यात आले आहेत. जयंतीच्या पार्श्वभूमीवर मध्यरात्री ब्लॅंकेट वाटप करण्यात आले. यावेळी शहरातील मान्यवरांनी उपस्थिती दिली. अनेक गरजूं व गरीब नागरिकांना वाढत्या थंडीमुळे त्रास होत होता. त्यामुळे नवीन बी.जे.मार्केट, सिंधी कॉलनी, मटन मार्केट परिसर, रेल्वे स्टेशन अशा ठिकाणी युवाशक्ती फौंडेशनच्या कार्यकर्त्यांनी ब्लॅंकेट वाटप केलेत. तसेच जैन मंदिर परिसर व सामान्य रुग्णालय येथे गरजूंना ९४ जेवणाचे पाकीट वाटप करण्यात आले. यावेळी गरजू नागरिकांनी युवाशक्ती फौंडेशनचे आभार मानले. प्रसंगी फौंडेशनचे संस्थापक अध्यक्ष विराज कावडीया, अमित जगताप, संदीप सूर्यवंशी, मनजित जांगीड, प्रशांत वाणी, नवल गोपाळ, समीर कावडीया, भवानी अग्रवाल, तेजस दुसाने, पवन माळी, आकाश धनगर, राहुल चव्हाण, दीपक धन्जे, कल्पेश पाटील, तेजस श्रीश्रीमाळ, भूषण सोनवणे, जितेंद्र छाजेड, प्रकाश कावडीया, विपिन कावडीया उपस्थिती होते.
