कोळगाव ता-भडगाव – कर्मवीर तात्यासाहेब हरी रावजी पाटील,किसान शिक्षण संस्था,भडगाव,संचलीत,गोपीचंद पुना पाटील,कनिष्ठ महाविद्यालय,कोळगाव ता.भडगाव येथे भारतीय राज्यघटनेचे शिल्पकार महामानव डॉ.बाबासाहेब आंबेडकर १३१ व्या जयंतीनिमीत्त विनम्र अभिवादन करण्यात आले.
कार्यक्रमप्रसंगी प्राचार्य सुनिल पाटील,पर्यवेक्षक अनिल पवार,ज्येष्ठ शिक्षक रामराव कुंभार व आबासाहेब कोळगांवकर यांच्या हस्ते भारतरत्न डॉ.बाबासाहेब भिमराव आंबेडकर यांच्या प्रतिमेचे पुजन करुन त्यांच्या प्रतीमेस पुष्पहार अर्पण करण्यात आला.
सदर प्रसंगी प्राचार्य सुनिल पाटील व पर्यवेक्षक अनिल पवार या दोघांनी आपल्या मनोगतातून डॉ.बाबासाहेबांनी भारत देशासाठी संविधानाच्या माध्यमातून दिलेल्या अधिकारांची जाणीव ठेऊन जपणूक करण्याचे तसेच बाबासाहेबांचे विचार जनसामान्यांपर्यंत पोहचवण्याचे आवाहनही यावेळी केले.
कार्यक्रमाचे प्रास्ताविक आबासाहेब कोळगावकर यांनी केले तर सुत्रसंचालन एस.ए.वाघ तसेच आभार प्रदर्शन मनेष पाटील यांनी मानले,कार्यक्रम यशस्वीतेसाठी शिक्षक-शिक्षकेतर कर्मचारी बंधु-भगिनींनी मोलाचे सहकार्य केले.
