जळगांव(प्रतिनिधी)- टोकियो येथे होणाऱ्या ऑलिंपिक स्पर्धेसाठी सहभागी होणाऱ्या भारतीय ऑलिम्पिक खेळाडूंना सेल्फी द्वारे शुभेच्छा देण्यात आल्या.
क्रीडा व युवक सेवा संचालनालय महाराष्ट्र राज्य, जिल्हा क्रीडा कार्यालय जळगाव, जळगाव जिल्हा ॲथलेटिक्स असोसिएशन व जळगाव जिल्हा शारीरिक शिक्षण व क्रीडा शिक्षक महासंघ यांच्या संयुक्त विद्यमाने शारीरिक शिक्षण शास्त्र महाविद्यालय येथे कार्यक्रमाचे आयोजन करण्यात आले होते.
याप्रसंगी प्रमुख अतिथी म्हणून महाराष्ट्र राज्य ॲथलेटिक्स असोसिएशनचे उपाध्यक्ष शिवछत्रपती पुरस्कार्थी डॉ. नारायण खडके कवीयत्री बहिणाबाई चौधरी उत्तर महाराष्ट्र विद्यापीठाचे क्रीडा संचालक डॉ. दिनेश पाटील महानगरपालिकेचे क्रीडा अधिकारी चंद्रकांत वांद्रे जळगाव जिल्हा ॲथलेटिक्स असोसिएशनचे कार्याध्यक्ष डॉ.पी.आर.चौधरी उपाध्यक्ष डॉ. विजय पाटील प्रा.ईकबाल मिर्झा, जळगाव जिल्हा शारीरिक शिक्षण व क्रीडा शिक्षक महासंघाचे डॉ. रणजीत पाटील प्रा.हरीश शेळके, निलेश पाटील किशोर पाटील, सचिन महाजन,गिरीश महाजन, योगेश सोनवणे यांची प्रमुख उपस्थिती होती प्रारंभी पद्मश्री पुरस्कार्थी ऑलिम्पियन स्वर्गीय मिल्खासिंग व जळगाव जिल्हा क्रीडा महासंघाचे अध्यक्ष प्रा चंद्रकांत सोनवणे यांचे वडील स्व.बळीरामदादा सोनवणे यांना श्रद्धांजली अर्पण करण्यात आली.
कार्यक्रमाचे सूत्रसंचालन जिल्हा ॲथलेटिक्स असोसिएशनचे सचिव राजेश जाधव यांनी तर आभार प्रदर्शन डॉ.रणजित पाटील यांनी केले याप्रसंगी जिल्हा क्रीडा अधिकारी मिलींद दिक्षित यांनी मार्गदर्शन केले कार्यक्रमास जळगाव जिल्हा ॲथलेटिक्स असोसिएशनचे व जिल्हा क्रीडाशिक्षक महासंघाचे पदाधिकारी व सदस्य जिल्ह्यातील तालुका ॲथलेटिक्स असोसिएशनचे सचिव व खेळाडू यांची उपस्थिती होती.
