जामनेर/ प्रतिनिधी–अभिमान झाल्टे
सात महिन्यांपूर्वी राज्यात महा विकास आघाडीने शेतकऱ्यांच्या हितासाठी आम्ही एकत्र येत असून सरकार स्थापन करीत आहोत असे म्हणत सरकार स्थापन केले मात्र तमाम जनतेची व शेतकरी वर्गाची उद्धव ठाकरे सरकारकडून उपेक्षाच केली जात असून अपेक्षित न्याय दिला गेला नसल्याचा आरोप माजी मंत्री तथा आमदार गिरीश महाजन यांनी केला आहे .
भारतीय जनता पक्षाच्यावतीने दूध उत्पादक आणि शेतकऱ्यांच्या दिवसंदिवस वाढत जाणाऱ्या समस्यांकडे शासनाचे होत असलेले दुर्लक्ष याबाबत लक्ष वेधण्यासाठी आज नगरपालिका चौकात जामनेर येथे गिरीश महाजन यांच्या नेतृत्वाखाली रास्ता रोको आंदोलन करण्यात आले होते.
जिल्ह्यात ठीक ठिकाणी व राज्यभरात भाजपकडून आंदोलन करण्यात आले आघाडी शासनाकडून सर्वच शेतकरी हिताच्या योजना बंद करण्याचा सपाटा सुरू असून जिल्ह्यासह संपूर्ण तालुक्यात राज्यात चांगल्या योजना शेतकरी कष्टकरी जनतेच्या हिताच्या होत्या त्या सर्व थंड बस्त्यात टाकून बंद करून टाकल्या मका कापूस खरेदी बंद केली आहे शेतकऱ्यांच्या घरामध्ये माल पडला असून शेतकऱ्यांच्या शेतापर्यंत पाइपलाइन पोहोचलेली आहे त्यावर खर्च मोठ्या प्रमाणात झालेला आहे मात्र त्या ठिकाणी हे शासनाने त्या संबंधित शेतकऱ्यांना शेततळी न दिल्याने त्यांना शेतीला पाणी देता येणार नाही यासारख्या योजना बंद केल्या आहेत शेतकऱ्यांच्या बांधावर खते बी-बियाणे देऊ असे म्हणणारे सरकार च्या काळात दुकानात देखील खत मिळत नाहीत अशी अवस्था शेतकऱ्यांची झाली आहे .
दूध उत्पादक शेतकरी देखील बेजार झाले असून लवकरात लवकर या सर्व समस्यांचे निराकरण झाले नाही तर सरकार विरोधात तीव्र स्वरूपाचे आंदोलन छेडण्याचा इशारा माजी मंत्री महाजन यांनी दिला.
सोशल डिस्टंसिंग चे पालन करून जामनेर नगरपालिका चौकात स्वतः गिरीश महाजन यांच्यासह पदाधिकाऱ्यांनी रस्ता रोको करून तहसीलदार यांना निवेदन देण्यात आले असून यावेळी दुधाचे आणलेली कॅन तहसिलदार यांच्याकडे सुपूर्त करण्यात आली दुधाची आम्ही नासाडी करणार नाही मात्र हे दूध कोविड सेंटरला देण्यात यावे असे यावेळी तालुकाध्यक्ष चंद्रकांत बाविस्कर यांनी तहसीलदार यांना सांगितले.
यावेळी भाजपा पक्षाचे तालुकाध्यक्ष चंन्द्रकांत बाविस्कर,छगन दादा झाल्टे,नगर सेवक आतिष झाल्टे,शिक्षण संस्थेचे सचिव जितू
पाटील,जिल्हा परिषदेचे माजी अध्यक्ष दिलीप खोडपे, दिपक पाटील,नितीन झाल्टे,नवल पाटील, महेंद्र बाविस्कर,बाबुराव घोंगडे,राजधर पांढरे,रंविद्र झाल्टे,चंन्द्रशेखर काळे,अमर पाटील,कैलास पालवे, गोविंद अग्रवाल आदी भाजपा पक्षाचे पदाधिकारी उपस्थित होते.
