जळगाव(प्रतिनीधी)- महाराष्ट्र राज्य मराठी पत्रकार संघाच्या उपाध्यक्षपदी पत्रकार संजय तांबे यांची तर जळगाव तालुकाध्यक्ष पदी पत्रकार स्वप्निल सोनवणे यांची नुकतीच निवड करण्यात आली. जिल्हाध्यक्ष प्रविण सपकाळे यांनी सर्वानुमते ही निवड केली. संजय तांबे व स्वप्निल सोनवणे हे मागील अनेक वर्षांपासून पत्रकार संघात सक्रिय असून पत्रकारांच्या न्याय व हक्कासाठी ते सदैव पत्रकार संघात वाटा उचलत आहेत. यामुळेच या दोघांना संघाची जबाबदारी देण्यात आली. यावेळी दोघांनी पत्रकार संघाच्या वाढीसाठी तत्पर राहण्याची व पत्रकारांच्या समस्या मांडण्याची ग्वाही दिली. यासोबतच यावेळी पत्रकार संघात एरंडोलचे समाधान पाटील यांचाही प्रवेश झाला. यावेळी पत्रकार संघाचे जिल्हाध्यक्ष प्रविण सपकाळे, सल्लागार प्रा.नारायण पवार, महिला जिल्हाध्यक्ष नाजनीन शेख महानगर कार्याध्यक्ष दिपक सपकाळे, वृत्तवाहिनी विभागाचे जिल्हाध्यक्ष अभिजीत पाटील, वृत्तवाहिनी जिल्हा कार्याध्यक्ष संतोष ढिवरे, महानगर उपाध्यक्ष चेतन निंबोळकर, भरत ससाणे, सुनिल भोळे, गुरुनाथ सैंदाणे आदी पदाधिकारी उपस्थित होते.
