विरोधकांना पराभव दिसू लागल्याने प्रचाराचे होर्डिंग फाडल्याचे कृत्य
रावेर-(प्रतिनिधी) – यावल-रावेर विधानसभा मतदार संघातून काँग्रेस, राष्ट्रवादी महा आघाडीचे उमेदवार माजी आ. शिरीष चौधरी यांच्या निवडणूक प्रचाराचे अकलूद येथे लावलेले होर्डिंग काही समाज विघातक प्रवृत्तींनी फाडून टाकल्याची घटना आज उघडकीस आली आहे.या घटनेमुळे विरोधकांच्या वाईट प्रवृत्तींचे दर्शन मतदार संघात पहायला मिळाले.
या घटनेचा काँग्रेस, राष्ट्रवादी आघाडी तर्फे जाहीर निषेध नोंदविण्यात आला आहे. तर विरोधकांना मतदार संघात आपला पराभव दिसू लागल्याने असे प्रकार घडवून आणून समाजातील वातावरण दुषित केले जात आहे. सर्वांनी सजग राहावे असे आवाहन आघाडीच्या वतीने करण्यात आले आहे.
