मुंबई(प्रतिनिधी)- माहिती व जनसंपर्क महासंचालनालय निर्मित ‘जय महाराष्ट्र’ हा कार्यक्रम आता समाज माध्यमांवरून प्रसारित करण्यात येणार आहे. महासंचालनालयाच्या विविध समाजमाध्यमांद्वारे ही मुलाखत गुरुवार दि. २८ ऑक्टोबरपासून सायंकाळी ७.३० ते ८.०० या वेळेत दर गुरुवारी प्रसारित करण्यात येणार आहे.’जय महाराष्ट्र’ या कार्यक्रमातून शासनाच्या विविध योजना व उपक्रमांची माहिती दिली जाते.
मा. मंत्री महोदय, मा. सचिव तसेच अन्य शासकीय अधिकारी, विविध क्षेत्रातील तज्ज्ञ, मान्यवरांच्या विविध विषयांवरील मुलाखती या कार्यक्रमातून प्रसारित करण्यात येतात. गुरुवार दि. २८ ऑक्टोबर रोजी सायंकाळी ७.३० वाजता विकास आयुक्त (उद्योग) श्री. हर्षदीप कांबळे यांची ‘वाणिज्य उद्योग महोत्सवातून रोजगाराच्या संधी’ या विषयावर मुलाखत प्रसारित होणार आहे.
ही मुलाखत महासंचालनालयाच्या पुढील लिंक्सवर प्रसारित होईलयू ट्यूब – https://www.youtube.com/MAHARASHTRADGIPRफेसबुक – https://www.facebook.com/MahaDGIPRट्विटर – https://twitter.com/MahaDGIPR
