यावल – (प्रतिनिधी) – यावल वनविभाग जळगांव, वनक्षेत्र यावल पुर्व मधील मौजे आसराबारी (वड्री खु. ) ता. यावल जि. जळगांव या 50 ते 60 झोपड्या असलेले वस्तीवर मागील वर्षी कुपोषित बालक आढळून आले होते म्हणून या वर्षी त्या वस्तीवर पोषक घटक मिळणारे शेवगा, आंबा, सिताफळ, आवळा, जांभूळ, रामफळ व इतर फळझाडांची रोपांचे वनविभाग यांचेकडून वन महोत्सव दि. 01जुलै ते 30 सप्टेंबर या कालावधीत वृक्ष लागवड करिता 01जुलै ते 07 जुलै 2022 वन महोत्सव सप्ताह साजरा करण्यात आला आहे.
या कार्यक्रमानिमित्ताने वस्तीवरील सर्व कुटुंबांना मा. श्री. महेश पवार तहसीलदार यावल, मा. श्री. विक्रम पदमोर वनपरिक्षेत्र अधिकारी यावल पुर्व, श्री.अजय भालेराव सरपंच ,श्री. पंकज चौधरी उपसरपंच, श्री. ललित चौधरी अध्यक्ष वन संरक्षण समिती,यांचे हस्ते रोपे वाटप करून,रोप लागवड करून कार्यक्रम साजरा करण्यात आला.या कार्यक्रमात श्री.विक्रम पदमोर वनपरिक्षेत्र अधिकारी यावल यांनी उपस्थितीतांना वन महोत्सव कार्यक्रमाचे आणि कुपोषण मुक्त करिता वृक्ष लागवडीचे महत्त्व सांगितले.या कार्यक्रमास श्री.रविंद्र तायडे वनपाल, श्री.गोवर्धन डोंगरे वनरक्षक, श्री.कृष्णा शेळके वनरक्षक, श्री.भैय्यासाहेब गायकवाड वनरक्षक, श्री. संदीप चौधरी, फकिरा तडवी, जवानसिंग पावरा, देवीसिंग पावरा, गुड्ड पावरा उपस्थितीत होते.
