जळगांव(प्रतिनीधी)- राजमाता जिजाऊ व स्वामी विवेकानंद यांच्या जयंती निमित्त जळगाव येथील जीनगर युथ क्लब या संस्थेतर्फे सामाजिक बांधिलकी जोपासत गरजू विद्यार्थ्यांना शैक्षणिक साहित्य व खाऊ वाटपाचा कार्यक्रम आयोजित करण्यात आला होता. जळगाव तालुक्यातील जि प शाळा मन्यारखेडा येथील विद्यार्थ्यांना पेन, पेन्सिल, रबर, वह्या, बिस्किट पुडा असे साहित्य वाटप करण्यात आले. प्रारंभी राजमाता जिजाऊ व स्वामी विवेकानंद यांच्या प्रतिमेचे पूजन सामाजिक कार्यकर्ते राजू पाटील यांच्या हस्ते करण्यात आले. अध्यक्षस्थानी जि. प. शिक्षण विस्तार अधिकारी विजय पवार होते. प्रमुख अतिथि म्हणून जीनगर युथ क्लब चे सदस्य डॉ विजय साखला, सुनील पवार, पारस साखला, अनिल पवार, राजेश चव्हाण, सौ निशा पवार, चैतन्य पवार उपस्थित होते. कार्यक्रमाचे प्रास्ताविक मुख्याध्यापक जगन्नाथ कोळी यांनी केले. सूत्रसंचालन तुषार सोनवणे यांनी तर आभार प्रदर्शन श्रीमती बागूल यांनी केले. या उपक्रमाचे प्रकल्पप्रमुख म्हणून पारस साखला तर सह प्रकल्पप्रमुख म्हणून सौ निशा पवार यांनी काम पाहिले. सेवानिवृत्त वायू सेना अधिकारी मोहन चव्हाण पुणे यांचे मार्गदर्शन लाभले.
