रावेर(प्रतिनिधी)- तालुका मेडिकल असोसिएशनच्या वतीने रावेर येथील महाजन अक्सीडेंट हॉस्पिटलमध्ये जागतिक फार्मासिस्ट दिवस साजरा करण्यात आला. प्रसंगी कार्यक्रमाचे अध्यक्ष विजय पाटील व इतर मान्यवरांच्या हस्ते प्रथम धन्वंतरी पूजन व दिप प्रज्वलन करण्यात आले. त्या नंतर तालुक्यातील जे फार्मासिस्ट 30 वर्ष किंवा त्यापेक्षा जास्त वर्ष झाले, निरंतर सेवा करीत आहे त्यांचा गुलाब पुष्प व सन्मान चिन्ह देऊन सत्कार करण्यात आला.
प्रसंगी मार्गदर्शन करताना तालुकाध्यक्ष गोविंद महाजन यांनी रुग्ण सेवेबद्दल माहिती सांगितली व एनपूर येथील फार्मासिस्ट प्रल्हाद पाटील यांनी पूर्वी काय अडचणी येत होत्या व आज काय अडचणी येत आहे त्या बदल माहिती दिली. नंतर अध्यक्षीय भाषणात विजय पाटील यांनी ग्राहकांशी कसे बोलावे त्याबद्दल सांगितले. नंतर रावेर तालुका मेडिकल असोसिएशनचे खजिनदार लखन सावळे यांचा वाढदिवस साजरा करण्यात आला. प्रसंगी प्रास्ताविक सचिव प्रवीण सरोदे यांनी केले व सूत्र संचालन सहसचिव अजय पाटील यांनी केले व आभार लखन सावळे यांनी केले.
प्रसंगी रावेर तालुकाध्यक्ष गोविंद महाजन, संजय चौधरी, तेजपाल खाचने, प्रल्हाद पाटील, तालुका उपाध्यक्ष गुणवंत भंगाळे व तालुक्यातील जेस्ट केमिस्ट व कार्यकारणी सदस्य तसेच केमिस्ट बांधव उपस्थित होते.
