भडगांव -(प्रमोद सोनवणे)- महाराष्ट्र प्रदेश राष्ट्रवादी महिला काँग्रेस अध्यक्षा सौ.रूपालीताई चाकणकर यांना ओला दुष्काळग्रस्त शेतकरी मदत, बचतगट महिला सक्षमीकरण,रोजगार तसेच पक्षसंघटन बाबत जळगांव जिल्हा दौऱ्यावर असतांना भडगांव तालुका अध्यक्षा नगरसेविका योजना पाटील यांनी माहिती दिली. मा.आमदार दिलीपभाऊ वाघ यांच्या निवासस्थानी सौ.रूपालीताई चाकणकर यांनी मा.आमदार दिलीपभाऊ वाघ,गटनेते संजयनाना वाघ, जिल्हाध्यक्ष रविंद्रभैया पाटील, मंगलाताई पाटील,कल्पनाताई पाटील, नगरसेविका सुचेताताई वाघ,तनिष्का प्रमुख ज्योतिताई वाघ, शहराध्यक्षा रेखाताई पाटील, सरलाताई पाटील, सुरेखाताई पाटील आदी महिला व इतर मान्यवर पदाधिकारी समवेत कार्यकर्त्यांना मार्गदर्शन केले. तसेच भडगांव-कनाशी मार्गे मुंबईकडे पुढील प्रवास प्रसंगी भडगांव येथे टी. आर. पाटील विद्यालयाचे मुख्याध्यापक डी. डी. पाटील व राष्ट्रवादी महिलाध्यक्षा नगरसेविका योजना पाटील यांनी त्यांचे स्वागत केले. सदर प्रसंगी सौ.रूपालीताई चाकणकर यांनी योजनाताई पाटील यांच्या कार्याची दखल घेत कौतुक केले तसेच भावी राजकीय व सामाजिक सेवा कार्यासाठी हार्दिक शुभेच्छा दिल्या.
