रेडक्रॉस मार्फत रुग्णसेवेत अजून एक पाऊल
जळगाव – (प्रतिनिधी) – आरोग्य क्षेत्रात रुग्णसेवा करणे हा रेडक्रॉसचा प्रमुख उद्देश्य असून अत्यल्प दारात रुग्णांना आवश्यक रुग्णसेवा मिळावी या उद्देशाने इंडियन रेडक्रॉस सोसायटीच्या रेडक्रॉस भवन, सिव्हील हॉस्पिटल रोड येथे ओ.पी.डी. रुग्णसेवा सुरु करण्यात आली आहे. दुपारच्या वेळी सर्वच हॉस्पिटल बंद असल्याने रुग्णांना अडचणीचे होऊ नये म्हणून सुरुवातीला दुपारी 2 वाजेपासून तर सायंकाळीं 5 वाजेपर्यंत तज्ञ डॉक्टरांच्या टीममार्फत सुरु ठेवण्याचा मानस आहे. आवश्यकतेनुसार ही रुग्णसेवा दिवसभर सुरू ठेवण्यात येईल. रेडक्रॉस ओ.पी.डी. मधून गंभीर स्वरूपाची लक्षणे आढळलेल्या रुग्णांना खाजगी व शासकीय रुग्णालयात उपलब्ध असलेल्या विविध आरोग्य योजनांची माहिती देऊन योग्य उपचार मिळण्यास मदत करण्यात येतील.
➕ महानगरपलिकेमार्फत नवजात बालके व गर्भवती महिलांसाठी लसीकरण सेवा ही महिन्याच्या दुसऱ्या गुरुवारी सुरू➕
रेडक्रॉस भवन हे शहराच्या मध्यवर्ती ठिकाणी असल्याने महानगर पालिकेमार्फत करण्यात येणारे गर्भवती महिला व नवजात बालकांचे नियमित लसीकरण रेडक्रॉसमध्ये सुरू झाले आहे. ही सेवा प्रत्येक महिन्याच्या दुसऱ्या गुरुवारी देण्यात येणार आहे.
ठिकाण – “रेडक्रॉस भवन,” सिव्हिल हॉस्पिटल रोड, जळगाव
संपर्क – 0257-2235855,
9422436566
