नाशिक : इंडियन रेड क्रॉस सोसायटी, नाशिक शाखा आणि विश्वास को ऑपरेटिव्ह बँक लि. यांच्या संयुक्त विद्यमाने अखिल भारतीय मराठी संमेलनानिमित्त डॉक्टरांसाठी आयोजित खुल्या काव्य लेखन स्पर्धेचा निकाल जाहीर करण्यात आला आहे.
प्रथम क्रमांकाचे पारितोषिक दौंड येथील डॉ. पराग पाथ्रूडकर यांनी पटकावले असून डॉ. उल्का कदम (वाई ) आणि डॉ माधवी मुठाळ नाशिक यांनी अनुक्रमे दुसरे आणि तिसरे पारितोषिक प्राप्त केले आहे. उत्तेजनार्थ पारितोषिकांसाठी डॉ. सुमेधा हर्षे , अकोला आणि डॉ. समीर अहिरे नाशिक यांची निवड करण्यात आली आहे. संपूर्ण महाराष्ट्रातून अभुतपूर्व प्रतिसाद लाभलेल्या या स्पर्धेचे परीक्षण सुप्रसिद्ध कवयित्री जयश्री वाघ यांनी केले .
कोविड विषयक सर्व नियम पाळून पारितोषिक वितरण समारंभ लवकरच आयोजित करण्यात येणार असून प्रमुख अतिथी प्रा. डॉ . शंकर बोऱ्हाडे आणि संतोष हुदलीकर यांच्या हस्ते पारितोषिक वितरण करण्यात येणार आहे . पारितोषिक विजेत्यांचे ब्रिगे.अरविंद वर्टी, मेजर पी.एम. भगत, सचिव , नाशिक रेडक्रॉस , विश्वास ठाकूर अध्यक्ष, विश्वास बँक व साहित्य संमेलन निमंत्रक, डॉ प्रतिभा औंधकर , स्पर्धा संयोजक आणि रेडक्रॉस कार्यकारिणीने अभिनंदन केले आहे.
