जळगांव(प्रतिनिधी)- चाळीसगाव तालुक्यातील मानवतावादी बहुजन विचार धारेच्या प्रवाहात पदभार घेऊन सक्रिय सहभागी होणाऱ्या सर्व आजी माजी पदाधिकारी व कार्यकर्त्यांना वंचित बहुजन आघाडी जळगांव जिल्ह्याच्या वतीने चाळीसगाव तालुका व शहर कार्यकारणी निवड प्रक्रियेचे आयोजन करण्यात आले आहे.
सदर निवड प्रक्रिया दिनांक २६ नोव्हेंबर शुक्रवार रोजी दुपारी १२ वाजता पद्मालय शासकीय विश्रामगृह जळगांव येथे मुलाखतीद्वारे केली जाणार आहे. सदर मुलाखत वंचित बहुजन आघाडीचे राज्य कार्यकारणी सदस्य शमीभा पाटील या घेणार आहेत. वंचित बहुजन आघाडीत काम करु इच्छिणाऱ्यांनी जास्तीत जास्त संख्येने उपस्थित रहावे, असे आवाहन जिल्हाध्यक्ष प्रमोद इंगळे, जिल्हा कार्यालय सचिव वैभव शिरतुरे, जितेंद्र केदार, डिगबंर सोनवणे यांच्यावतीने करण्यात आले आहे.
