मुख्यमंत्री उद्धव ठाकरेंनी कर्जमाफीची घोषणा केल्याने , वरणगाव चे शिवसैनिकांनी थेट बांधावर जाऊन शेतकरी बांधवांचे केले अभिनंदन
वरणगाव(प्रतिनीधी)- शेतकरी संकट सापडला की सर्वात आधी बांधावर जाऊन धीर देणारे शिवसेना पक्षप्रमुख उद्धव ठाकरे यांनी मुख्यमंत्री पदाची धुरा सापडल्या नंतर सरकारच्या काळातील पहिल्याच अधिवेशनात कोणतीही अट न ठेवता सरळ शेतकऱ्यांच्या खात्यात जाणारी 2 लाख रुपये पर्यंतची कर्जमाफीची घोषणा जाहीर केली .या घोषणेने लाखो शेतकऱ्यांना फायदा होणार असून यंदाच्या दुष्काळी कचाट्यातून निघण्यासाठी शेतकरी बांधावाना खुप मोठा दिलासा मिळाला आहे .त्यामुळे संपूर्ण महाराष्ट्रात आनंदाचे वातावरण आहे .याच अनुषंगाने वरणगाव ता.भुसावळ येथील शिवसैनिक सरळ शेतकऱ्यांच्या बांधावर पोहोचले व त्यांचे अभिनंदन केले .व आगळ्या वेगळ्या पद्धतीने शेतकरी दिवस साजरा केला.
