मुलुंड : शेखर चंद्रकांत भोसले
कोरोनाच्या वाढत्या प्रादुर्भावात देखील आपल्या जीवाची पर्वा न करता विक्रोळीतील मुंबई महानगर पालिकेचे कर्मचारी सातत्याने मेहनत घेत संपूर्ण परिसर स्वच्छ, सुंदर, निरोगी ठेवण्यासाठी साफसफाईचे कर्तव्य बजावत आहेत. या कामगारांचे आभार व्यक्त करण्यासाठी व मनोधैर्य वाढविण्यासाठी त्यांचा जाहीर सत्कार प्रबोधनकार ठाकरे चौक, कन्नमवार नगर, विक्रोळी येथे गुरुवार दिनांक ७ मे रोजी विक्रोळी चे आमदार सुनिल राऊत व पालिकेच्या एस विभागाचे सहाय्यक आयुक्त संतोष धोडे यांच्या हस्ते करण्यात आला. यावेळी माजी महापौर दत्ताजी दळवी, नगरसेवक उपेंद्र सावंत हे उपस्थित होते.
या सत्कार सोहळ्याचे आयोजन कन्नमवार नगर येथील सार्वजनिक गणेशोत्सव समितीचे अध्यक्ष सुधीर गडकरी, कार्याध्यक्ष सुनील सावंत, प्रमुख कार्यवाह विरेंद्र राजाध्यक्ष, खजिनदार विनोद चव्हाण, माजी शाखाप्रमुख शंकर ढमाले, सक्षम महिला मंडळ अध्यक्ष पूजा दळवी, आनंद केसरकर, वंदना बेंद्रे, योगेश दळवी यांच्यातर्फे करण्यात आले होते.
