जळगाव-(प्रतिनिधी )-कवयित्री बहिणाबाई चौधरी उत्तर महाराष्ट्र विद्यापीठ जळगाव येथे महाराष्ट्र स्टुडंट्स युनियन (मासू) संघटन बांधणी करण्यात आली.मासू महाराष्ट्रभर तळागाळातील सर्वसामान्य विद्यार्थ्यांच्या न्याय हक्कासाठी लढा देणारी एक अराजकीय संघटना आहे विद्यार्थी हित हेच एकमेव मासूचे अंतिम ध्येय आहे.आज विविध ठिकाणी शिक्षणासाठी लाखो रुपये विद्यार्थ्यांना भरावे लागतात व तरीसुद्धा तळागाळातील सर्वसामान्य विद्यार्थ्यांना समाधानकारक योग्य शिक्षण मिळत नाही. तरी हे कुठेतरी थांबले पाहिजे यासाठी मासू कार्यरत आहे आज विद्यार्थी हित लक्षात घेऊन कवयित्री बहिणाबाई चौधरी उत्तर महाराष्ट्र विद्यापीठ जळगाव येथे महाराष्ट्र स्टुडंट्स संघटनची(मासू) बांधणी करण्यात आली यावेळी विद्यापीठातील विविध पदाधिकाऱ्यांना वेगवेगळ्या जबाबदाऱ्या देण्यात आल्या. विद्यापीठ मीडिया प्रमुख पदी करण शिंदे हॉस्टेल प्रमुख पदी पंकज निकुंबे विद्यापीठ कमिटी उपाध्यक्षपदी अक्षय महाजन आणि समाधान वाघ महिला प्रतिनिधी शिवानी भगत,श्वेता बारे, स्कूल ऑफ लाइफ सायन्स प्रमुख पदी महेश चौधरी यांची नियुक्ती करण्यात आली.
यावेळी महाराष्ट्र स्टूडेंट युनियनचे संस्थापक अध्यक्ष ॲडव्होकेट सिद्धार्थ इंगळे उत्तर महाराष्ट्र अध्यक्ष ॲड. दिपक सपकाळे, जिल्हाध्यक्ष रोहन महाजन विद्यापीठ कमिटी अध्यक्ष योगेश महाजन, उपाध्यक्ष प्रवीण देशमुख उपस्थित होते. ॲडव्होकेट इंगळे यांनी मार्गदर्शन केले योगेश आणि रोहन महाजन यांनी सूत्रसंचालन केले. ॲड. दिपक सपकाळे यांनी कार्यक्रमाचे आभार व्यक्त करून समारोप केले.
