यावल(प्रतिनिधी)- तालुक्यातील विरावली गावात सन २०२०-२१ मध्ये निवडून आलेले सरपंच, उपसरपंच व तीन ग्रा.प.सदस्य यांच्या विरुद्ध अतिक्रमण तर उपसरपंच यांचे तीन अपत्य असल्याबाबत तसेच ग्रा.प.कारभारात सरपंच यांचे सासरे व उपसरपंच यांचे पती हस्तक्षेप करतात. या विषयी तक्रारी अर्ज आज रोजी प्रभारी म्हणून यावल येथे पदभार स्विकारल्या बरोबर यावल तालुका राष्ट्रवादी युवक अध्यक्ष अॅड. देवकांत बाजीराव पाटील, विरावली ग्रा.प.सदस्य पवन युवराज पाटील यांनी गटविकास अधिकारी पंचायत समिती यावल येथे तक्रारी अर्ज देत कारवाईची मागणी गेली.
२०२०-२१ मध्ये निवडून आलेले सरपंच, उपसरपंच, ग्रा.प.सदस्य, सरपंच कलीमा फिरोज तडवी यांचे सासरे, पती, दीर यांच्या परिवारातील सदस्यांचे राहते घर सरकारी जागेवर अतिक्रमण आहे. उपसरपंच मनीषा विश्वनाथ पाटील यांचे पती, सासरे यांचे राहते घर व दीर यांचे घर व दुकान हे अतिक्रमित जागेत आहे. त्याच बरोबर उपसरपंच यांना २००१ नंतर तीन अपत्य आहेत. ग्रा.प. सदस्य तुषार(मुन्ना) सांडू सिंग पाटील यांचे घर सरकारी जागेवर अतिक्रमण असून नमुना नंबर ८ मध्ये घर क्र.७८ यात व्हाईटर लावून मूळ क्षेत्र फळात बदल केला आहे.
शासकीय दस्तवेज मधून पुरावे नष्ट करणे व ग्रा.प. दस्तऐवज मध्ये त्यांनी सरपंच यांच्या मदतीने मूळ दस्तऐवज मध्ये फेरफार केली आहे. त्यामुळे ग्रा.पं. दस्तऐवजांना धोका निर्माण झाला आहे. ग्रा.प. सदस्य नथू नामदेव अडकमोल यांचे सरकारी जागेवर घर व दुकानाचे अतिक्रमण आहे. सदस्य इब्राहीम दलशेर तडवी यांचे व त्यांचे परिवाराचे देखील सरकारी जागेवर अतिक्रमण असून सरपंच यांचे सासरे व उपसरपंच यांचे पती हे नेहमीच ग्रा.प.मासिक मीटिंग व इतर ग्रा.प.कामात हस्तक्षेप करत असतात.
तरी वरील सर्व १ ते ५ राहणार विरवली ता. यावल जि.जळगांव यांच्यावर कायदेशीर कारवाई करून अतिक्रमण २००१ नंतर तीन अपत्य व ग्रा.प. कामात कामात हस्तक्षेप करणे याची योग्य ती चौकशी करून कायदेशीर कार्यवाही व्हावी व ग्रामपंचायत विरावली सरपंच उपसरपंच व इतर सदस्य यांचे सदस्यत्व रद्द करण्यात अशी मागणी केली.
