जळगांव(प्रतिनीधी)- येथील शकुंतला जे प्राथमिक विद्यालयात छत्रपती शिवाजी महाराज जयंती मोठ्या उत्साहात संपन्न झाली. यावेळी कार्यक्रमाच्या सुरवातीला विद्यार्थ्यांच्या हस्ते प्रतिमा पूजन करण्यात आले. विद्यालयातील शिक्षक राहुल चौधरी यांनी शिवरायांच्या कार्याविषयी माहिती देताना शिवराय त्यांचे बालपण, बालपणापासून त्यांचे सर्व सवंगड्याना घेवून एकत्रितरित्या केलेले कार्य, सर्व स्तरातील लोकांना एकत्र करून स्वराज्य निर्मिती याविषयी माहिती दिली. शिवरायांचा सर्वधर्मसमभाव जनतेप्रती असणारी आपुलकी याविषयी माहिती दिली. याप्रसंगी नेहा जंगले, स्वाती जंगले, लक्ष्मी भालेराव आदी शिक्षक शिक्षकेतर कर्मचारी उपस्थित होते.
