जळगाव : येथील शासकीय वैद्यकीय महाविद्यालय व रुग्णालयात स्वच्छतेचा व आरोग्याचा भाग लक्षात घेता गवत कापणी आणि धूर फवारणी करण्यात आली. शहरात सर्वत्र डेंग्यू, मलेरियाचे प्रमाण वाढत असल्याने रुग्णालयात फवारणी करण्यात आली.
महाविद्यालय व रुग्णालयात दैनंदिन साफसफाई केली जाते. मात्र पावसामुळे अनेक कोपऱ्यांमध्ये डासांचा प्रादुर्भाव होत असल्याचे लक्षात आल्यावर अधिष्ठाता डॉ. जयप्रकाश रामानंद यांनी तातडीने मोकळ्या व पडीक जागेवरील गवत काढून महापालिकेच्या कर्मचाऱ्यांकडून धूर फवारणी करून घेण्यात आली.
यावेळी जितेंद्र करोसिया, अजय जाधव, प्रकाश पाटील यांच्यासह कर्मचाऱ्यांनी परिश्रम घेतले.
