पाचोरा भडगाव तालुक्यातील अतिवृष्टी ग्रस्त शेतकऱ्यांच्या नुकसानीची खा. उन्मेश पाटील यांनी केली पाहणी
पाचोर-(प्रमोद सोनवणे)- तालुक्यातील अतिवृष्टी ग्रस्त शेतीची आज खासदार उन्मेश पाटील यांनी पाहणी केली. यावेळी प्रांताधिकारी राजेंद्र कचरे, तहसीलदार कैलास चावडे, भाजपचे जिल्हा सरचिटणीस सदाशिव आबा पाटील, भाजपचे तालुकाध्यक्ष तथा माजी पंचायत समितीचे सभापती सुभाष पाटील, तालुका सरचिटणीस प्रदीप पाटील, तालुका कृषी अधिकारी ए. व्ही. जाधव, भाजपचे तालुका विस्तारक विकी देशमुख, कृषी पर्यवेक्षक व्ही. एस जाधव, सहाय्यक जितू पाटील, तलाठी युवराज पाटील, राजश्री पेंढारकर, माजी सरपंच रवी आबा पाटील , शेषराव चव्हाण,ग्रामसेवक , शेतकरी बांधव मोठ्या संख्येने उपस्थित होते. लोह टार येथील बळीराम भोई, कैलास बळीराम पाटील यांच्या शेतातील नुकसानीची पाहणी खा. उन्मेश पाटील यांनी केली. प्रशासनाने तातडीने पंचनामे करून शासनाकडे पाठवावेत, शेतकरी हवालदिल झाला असून त्याला मदतीची आणि सहकार्याची गरज असून शेताच्या बांधावर जावून पंचनामे करण्याचे आदेश सूचना यावेळी खा. उन्मेश पाटील यांनी दिल्यात. अंतुर्ली खुर्द येथील शेतकरी पुरुषोत्तम विश्वनाथ पाटील, बाबाजी विरभान पाटील यांचा शेतातील मक्याच्या नुकसानीची त्यांनी पाहणी केली. शेतकऱ्यांना दिलासा दिला.
